鬼同你揸车?

 

而家唔少司机都会装个cam喺倒后镜影实路面情况,揸车出咗咩事都有得睇返playback呀嘛,不过好多时都会影到啲意外收穫嘅,就好似影到男友用自己架车同女女车震(首先,你要有……然后,仲要有……),或者更加惊吓嘅片咁。

有网友post咗条片,可以见到楼主转弯时,前面有有架红色大货车,慢慢咁向前。

鬼同你揸车?

鬼同你揸车?

跟住架大货车停咗停,先再慢慢转左,又几礼让啵。不过呢,喂睇L住呀,实撞落前面架黑色车度啦咁搞法!喂喂喂,真係睇L住,仆你个_,司机位冇人嘅喂?!

鬼同你揸车?

Magic moment嚟了,架大货车竟然好似真係有人揸车咁,去到黑色车前面就停低咗,完全冇撞到任何嘢。唔通…… 个「司机」真係睇紧路嘅……

鬼同你揸车?

有网友朝早影到架大货车已经归位。55,唔知又係咪无人驾驶倒车呢?唔通「嗰度」都有通涨,「司机」唔够钱使,所以要开OT赚餐晏仔?

鬼同你揸车?

毛毛search过大货车上面个公司名,原来係专搞酒席到会嘅。唔搵好过搵,毛毛而家觉得好阴阴寒……

睇片:Vicki Wingkiki Facebook

上一篇: 下一篇: