好心老公你连微波炉同焗炉都未识分就咪L整蒜蓉包啦!

 

问世间炉为何物,点解呢个世界上可以有咁多傻西瓜连微波炉同焗炉都唔识分㗎?

话说,有位天才老公朝早起身谂住整两块蒜蓉包做早餐。嗱,蒜蓉包嚟讲,即係就咁将啲蒜蓉酱搽上块包度再拎去焗啦,应该都好简单啫下话?点知呢位天才老公最后都係整到两块包成嚿炭咁喎!

好心老公你连微波炉同焗炉都未识分就咪L整蒜蓉包啦!

冇理由㗎,唔通係个焗炉坏咗?于是呢位天才老公就走去同老婆投诉个衰焗炉搞到佢啲包fail晒嘞。之后老婆听到就觉得好奇怪,明明老公焗咗啲包5分钟咋嘛,应该唔会因为焗得太耐搞到间屋一屋都係烟㗎,唔通係老公较得个温度太高?

好心老公你连微波炉同焗炉都未识分就咪L整蒜蓉包啦!

老婆去厨房一睇……撞你鬼咩,呢个係微波炉唔係焗炉嚟呀老公!

唉,连微波炉同焗炉都未识分,你以后仲点面对啲仔女呀!真係难为老婆一开始问老公係咪肯定自己用紧焗炉嗰阵,老公仲超有自信咁话「拜託不要当我是小孩好吗」……

好心老公你连微波炉同焗炉都未识分就咪L整蒜蓉包啦!

嗯,多得呢位天才老公,老婆又可以有多个买过只新碟嘅理由喇,真係多L谢呀!最后呢位老婆表示,为咗屋企嘅安全着想,以后佢会喺厨房啲电器上面写返张字卡㗎喇,55。

kakadoo/ptt

上一篇: 下一篇: