客人同酒店职员日日都用公仔同memo互动

 

去外国旅行呢,有人锺意住青年旅舍,贪佢够平;有人锺意住民宿,贪佢够warm;当然最多人係拣住酒店啦,贪佢有room service,日日有员工帮自己执房吖嘛~酒店成日都将「家的感觉」、「宾至如归」呢啲挂喺口边,其实去酒店只係瞓嗰几晚,边有人真係当自己屋企㗎?用完嘅毛巾梗係周围飞、被又唔摺咁,等职员嚟执㗎啦~

但你有冇谂过,如果善待帮你做room service嘅职员,原来都係一件好开心嘅事呢?外国就有个网民喺出差嘅时候,日日都用被舖或者毛巾砌唔同公仔嚟同酒店职员互动喇~

第一日

客人同酒店职员日日都用公仔同memo互动客人同酒店职员日日都用公仔同memo互动

第一日,佢就砌咗个人仔出嚟,睇佢只手拎住个遥控,唔知係咪睇电视睇到瞓着咗呢?

而清洁员工除咗帮佢消灭咗个人仔(即係摺返好张被)之外,仲用memo留咗个微笑畀佢呀!

第二日

客人同酒店职员日日都用公仔同memo互动客人同酒店职员日日都用公仔同memo互动

你留微笑,我就一于整个大笑畀你!而清洁员工今日就留咗个瞇眼笑畀​​​​佢喇,睇嚟真係好似哈姆太郎咁,一日开心过一日啵!

第三至五日

客人同酒店职员日日都用公仔同memo互动

客人同酒店职员日日都用公仔同memo互动

客人同酒店职员日日都用公仔同memo互动

呢个谂头多多嘅客人唔止用被舖同毛巾呀,仲出动埋厕所入面嘅杯垫同沖凉液,砌咗只不知名怪兽出嚟!然后又有疑似企鹅同埋棕梠树,哗,砌得咁似,係咪偷偷地练咗十几年,等一个畀世人讚赏嘅机会呀?

客人同酒店职员日日都用公仔同memo互动

清洁员工见到呢个客人咁得意,梗係开心啦,仲留咗两个微笑同OK畀佢?~

第八日(係唔知点解冇第六七日啲相嘅,可能佢冇idea整咩公仔啦)

客人同酒店职员日日都用公仔同memo互动

客人同酒店职员日日都用公仔同memo互动

连车仔都砌到,加埋手绘人仔,係有童真嘅!

清洁员工就喺纸仔上面话多谢个客人令佢好开心喇,话唔定佢而家日日都好期待返工执呢间房啵!

第九至十日

客人同酒店职员日日都用公仔同memo互动

客人同酒店职员日日都用公仔同memo互动

你以为砌咗咁多日,个客人就会谂到乾晒塘呀?傻啦,佢又砌咗只厚嘴唇怪同着浴衣嘅假人喇!

客人同酒店职员日日都用公仔同memo互动

可能受到呢个客人影响啦,今日清洁员工就唔单止写字或者画简单微笑喇,佢都画咗只公仔喺memo度呀~

最后一日

客人同酒店职员日日都用公仔同memo互动

天气不似预期,但要走,总要飞~客人终于都要走喇,于是就砌咗个心心畀清洁员工,仲留底咗少少朱古力,多谢呢个员工陪佢度过咗咁warm嘅十日。虽然佢哋两个冇真係见过面,但又有互相陪伴嘅感觉,谂落都几似《你的名字。》喎?唔知个客人会唔会一个人嚟,最后两个人走呢?

封面图片、资料来源连结:22words

睇埋:【超抵讚】日本小学生排排企向酒店员工鞠躬多谢款待

上一篇: 下一篇: